پنجاب بھر کی یونیورسٹیاں اور کالجز دو دن کے لیے بند رہیں گے – ایسا ٹی وی

پنجاب بھر کے تمام کالجز اور یونیورسٹیاں اگلے دو روز تک بند رہیں گی۔

شرپسندوں کے خلاف انسداد دہشت گردی ایکٹ کے تحت مقدمات درج کیے جائیں گے۔

پنجاب کے عبوری وزیر اعلیٰ محسن نقوی نے اس عزم کا اظہار کیا ہے کہ ریاست پاکستان پر حملہ کرنے والوں اور ہر شرپسند سے آہنی ہاتھوں سے نمٹا جائے گا۔

میانوالی میں امن عامہ برقرار رکھنے کے لیے فوج تعینات کر دی گئی ہے۔

حکام نے امن و امان میں خلل ڈالنے والوں کے خلاف زیرو ٹالرنس کی پالیسی اپنانے کا فیصلہ کیا ہے۔ حساس مقامات کی سیکیورٹی مزید بڑھانے کا فیصلہ بھی کیا گیا۔

دوسری جانب برٹش کونسل نے پاکستان بھر میں کیمبرج اسسمنٹ انٹرنیشنل ایجوکیشن کے امتحانات منسوخ کر دیے ہیں۔ پاکستان میں کیمبرج یونیورسٹی کے تحت 11 مئی کو ہونے والے تمام امتحانات منسوخ کر دیے گئے ہیں۔

منسوخ شدہ پیپرز دوبارہ نہیں ہوں گے، برٹش کونسل کا اعلان، منسوخ شدہ پیپرز کی گریڈنگ کیمبرج کے قواعد و ضوابط کے مطابق ہوگی۔

پاکستان میں اس وقت کیمبرج اسکول کے تحت او اور اے لیول کے امتحانات جاری ہیں۔ برٹش کونسل نے کہا کہ تمام متعلقہ طلباء کو پیغامات بھیجے گئے ہیں۔

Source link

اس خبر پر اپنی رائے کا اظہار کریں

اپنا تبصرہ بھیجیں