صدر مملکت ڈاکٹر عارف علوی نے کہا کہ پاکستان دوطرفہ تعلقات کے تمام پہلوؤں میں ایران کے ساتھ اپنے تعلقات کو مزید مضبوط بنانے کے لیے پرعزم ہے۔
اسلامی انقلاب کی 44ویں سالگرہ کے موقع پر ایرانی رہبر اعلیٰ آیت اللہ سید علی خامنہ ای کے نام پاکستان کی حکومت اور عوام کی جانب سے اپنے پیغام میں انہوں نے کہا کہ پاکستان اور ایران کے درمیان برادرانہ تعلقات کی جڑیں لسانی، ثقافتی اور مذہبی رشتوں میں جڑی ہوئی ہیں۔
صدر مملکت نے اسلامی جمہوریہ ایران کے برادر عوام کی خوشیوں اور مسلسل ترقی، خوشحالی اور فلاح و بہبود کے لیے نیک خواہشات کا اظہار کیا۔
اسلامی انقلاب کی 44 ویں سالگرہ کے موقع پر تہران اور دوسرے بڑے شہروں میں ہفتے کے روز دسیوں ہزار ایرانیوں نے ریلیاں نکالیں۔