سی ٹی ڈی پنجاب نے پانچ مبینہ دہشت گردوں کو گرفتار کر لیا – ایسا ٹی وی

پنجاب کے کاؤنٹر ٹیررازم ڈیپارٹمنٹ (سی ٹی ڈی) نے ہفتے کے روز گوجرانوالہ اور پنجاب کے دیگر شہروں سے کالعدم تنظیم سے تعلق رکھنے والے 5 مبینہ دہشت گردوں کو گرفتار کرنے کا دعویٰ کیا ہے۔

ترجمان سی ٹی ڈی کے مطابق ملزمان کے قبضے سے افغان شناختی کارڈ، دھماکہ خیز مواد، ڈیٹونیٹرز، موبائل فون اور اسلحہ بھی برآمد ہوا ہے۔

حکام نے بتایا کہ گرفتار دہشت گردوں کی شناخت حنیف، سید عرف سیڈو، طارق، خالد اور عبدالستار کے نام سے ہوئی ہے۔

حکام نے مزید بتایا کہ گرفتار دہشت گردوں کے خلاف مقدمہ درج کر کے تفتیش جاری ہے۔ حکام کا مزید کہنا تھا کہ رواں ہفتے 200 کومبنگ آپریشنز کے دوران 46 مشتبہ افراد کو گرفتار کیا گیا۔

کاؤنٹر ٹیررازم ڈیپارٹمنٹ (سی ٹی ڈی) نے جمعرات کو کراچی سے کالعدم تحریک طالبان پاکستان (ٹی ٹی پی) کے ایک سرگرم کارکن کو گرفتار کر لیا۔

سی ٹی ڈی حکام کے مطابق گرفتار ملزم آصف رحمان کا تعلق تحریک طالبان پاکستان سے ہے۔

Source link

اس خبر پر اپنی رائے کا اظہار کریں

اپنا تبصرہ بھیجیں