وزیر خارجہ بلاول بھٹو زرداری نے خطے میں دہشت گردی کے چیلنج سے نمٹنے کے لیے افغان حکومت کے ساتھ مل کر کام کرنے کے لیے پاکستان کے عزم کا اظہار کیا ہے۔
بین الاقوامی میڈیا کو انٹرویو دیتے ہوئے وزیر خارجہ نے کہا کہ پاکستان پرامن ہمسائیگی پر یقین رکھتا ہے۔
انہوں نے کہا کہ پاکستان کی سول اور عسکری قیادت نے فیصلہ کیا ہے کہ زمینی قانون کی خلاف ورزی کرنے والے کسی کو بھی برداشت نہیں کیا جائے گا۔ انہوں نے کہا کہ دہشت گردی نے پاکستان اور افغانستان کے عوام کو متاثر کیا ہے اور اس صورتحال سے بروقت نمٹنے کی ضرورت ہے۔
بلاول بھٹو زرداری نے آزمائش کی اس گھڑی میں پاکستان کے ساتھ کھڑے ہونے پر عالمی رہنماؤں کا شکریہ ادا کیا۔
وزیر خارجہ نے ان دوست ممالک کا بھی شکریہ ادا کیا جنہوں نے حال ہی میں جنیوا ڈونرز کانفرنس میں پاکستان کے سیلاب سے متاثرہ افراد کے لیے تعاون کا اعلان کیا۔
انہوں نے کہا کہ کانفرنس کے دوران سیلاب سے متاثرہ افراد کی بحالی کے لیے مطلوبہ فنڈز میں سے پچاس فیصد کا اعلان کیا گیا۔