صوبہ خیبرپختونخوا (کے پی) کے ضلع باجوڑ میں فائرنگ کے تبادلے میں پاک فوج کا ایک جوان شہید اور ایک دہشت گرد مارا گیا۔
فوج کے میڈیا ونگ کے مطابق خیبرپختونخوا کے ضلع باجوڑ کے علاقے لوسم میں سیکیورٹی فورسز اور دہشت گردوں کے درمیان فائرنگ کا تبادلہ ہوا۔
آئی ایس پی آر کا کہنا تھا کہ پاک فوج کے دستوں نے بہادری سے مقابلہ کیا اور دہشت گردوں کے ٹھکانے کا موثر انداز میں مقابلہ کیا، فائرنگ کے تبادلے کے دوران ایک دہشت گرد مارا گیا۔
آئی ایس پی آر کا کہنا تھا کہ ‘تاہم فائرنگ کے شدید تبادلے کے دوران سپاہی شفیق الرحمان (عمر 23 سال، رہائشی ڈی آئی خان) نے بہادری سے لڑتے ہوئے جام شہادت نوش کیا۔
اس میں مزید کہا گیا ہے کہ علاقے میں پائے جانے والے دہشت گردوں کو ختم کرنے کے لیے علاقے کی صفائی کی جا رہی ہے۔
پاکستان کی سیکیورٹی فورسز دہشت گردی کی لعنت کو ختم کرنے کے لیے پرعزم ہیں اور ہمارے بہادر سپاہیوں کی یہ قربانیاں ہمارے عزم کو مزید مضبوط کرتی ہیں۔