قبائلی ضلع شمالی وزیرستان کے علاقے سپن وام میں آج دو فوجیوں کو شہید کر دیا گیا۔
آئی ایس پی آر کے مطابق دیسی ساختہ بم پھٹنے کے نتیجے میں سپاہی گل رؤف (عمر 29 سال، رہائشی ضلع لکی مروت) اور سپاہی عابد اللہ (عمر 23 سال، ضلع کرک) نے شہادت کو گلے لگا لیا۔
علاقے میں پائے جانے والے دہشت گردوں کو ختم کرنے کے لیے علاقے کی صفائی کی جا رہی ہے۔
پاکستان کی مسلح افواج دہشت گردی کی لعنت کو ختم کرنے کے لیے پرعزم ہیں اور ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔