- نواز شریف کا متحدہ عرب امارات میں تین سے چار دن گزارنے کا امکان ہے۔
- مریم آج اپنے اہل خانہ کے ہمراہ دبئی روانہ ہوگئیں۔
- مسلم لیگ ن کے سربراہ دبئی، ابوظہبی اور سعودی عرب کا دورہ کریں گے۔
پاکستان مسلم لیگ (ن) کے سپریمو اور سابق وزیراعظم نواز شریف ہفتہ کو لندن سے دبئی پہنچ گئے جہاں ان کی صاحبزادی اور پارٹی کی سینئر نائب صدر مریم نواز بھی ان کے ہمراہ ہیں۔
مسلم لیگ (ن) کے سربراہ کا متحدہ عرب امارات میں تین سے چار دن گزارنے کا امکان ہے جس کے بعد وہ سعودی عرب جائیں گے جہاں وہ عید الاضحی اپنے اہل خانہ کے ساتھ گزاریں گے اور عمرہ ادا کریں گے۔
مریم نواز اہل خانہ کے ہمراہ لاہور ایئرپورٹ سے دبئی روانہ ہوئیں۔
ایک روز قبل تین بار کے وزیراعظم نے تصدیق کی تھی کہ وہ تقریباً تین ہفتوں کے لیے دبئی، ابوظہبی اور سعودی عرب کا دورہ کریں گے۔
توقع ہے کہ وہ شاہی خاندانوں کے ارکان اور مقامی تاجروں کے ساتھ ساتھ کمیونٹی رہنماؤں سے ملاقاتیں کریں گے۔
سابق وزیراعظم کے بڑے صاحبزادے حسین نواز نے بھی صحافیوں کو بتایا کہ ان کے والد دبئی جائیں گے اور حج کی ادائیگی کے لیے سعودی عرب جائیں گے۔
ایک روز قبل وزیراعظم شہباز شریف نے لندن میں اپنے بڑے بھائی نواز شریف سے ملاقات کی تھی جہاں وہ پیرس کا دورہ مکمل کرنے کے بعد پہنچے تھے۔
مسلم لیگ (ن) کے سپریمو نے پچھلی عید اپنے اہل خانہ کے ساتھ مملکت میں گزاری تھی جہاں رمضان المبارک کے آخری دنوں اور عید الفطر کے موقع پر وزیراعظم شہباز شریف اور خاندان کے دیگر افراد بھی ان کے ساتھ شامل ہوئے۔
مسلم لیگ ن کے ذرائع کا کہنا ہے کہ نواز شریف آئندہ چند ماہ میں پاکستان واپس آئیں گے۔