کراچی پولیس نے پی ٹی آئی رہنما کے خلاف عدم ثبوت کا حوالہ دیتے ہوئے سابق گورنر سندھ عمران اسماعیل کو بے گناہ قرار دے دیا۔
ذرائع نے بتایا کہ اسماعیل کو جیل سے رہا کر دیا گیا ہے اور وہ ایک پریس کانفرنس سے خطاب کرنے والے تھے، جہاں وہ پارٹی سے علیحدگی کا اعلان کر سکتے ہیں۔
تفتیشی افسر نے کہا کہ عمران اسماعیل کے خلاف کوئی ثبوت نہیں ملے، کراچی کی انسداد دہشت گردی کی عدالت میں رپورٹ جمع کرائی۔
عدالت نے پولیس کی رپورٹ منظور کرتے ہوئے پی ٹی آئی رہنما کے رہائی کا حکم جاری کردیا۔ رہائی کے حکم نامے میں کہا گیا کہ اگر عمران اسماعیل کسی اور کیس میں ملوث نہیں ہیں تو انہیں رہا کیا جائے۔
انہیں 50 ہزار روپے کے ضمانتی مچلکے جمع کرانے کا حکم دیا گیا۔
سابق گورنر کو 9 مئی کو پی ٹی آئی چیئرمین عمران خان کی گرفتاری کے بعد توڑ پھوڑ اور آتش زنی کے کیس میں گرفتار کیا گیا تھا۔
انہیں کراچی کی ٹیپو سلطان پولیس نے توڑ پھوڑ اور تشدد پر اکسانے کے کیس میں گرفتار کیا تھا۔
اسماعیل جوڈیشل ریمانڈ پر جیل میں تھے۔ پولیس نے ‘اے کلاس’ کے تحت مقدمہ بند کرنے کی درخواست کی تھی۔