صوبہ پنجاب میں محکمہ انسداد دہشت گردی (سی ٹی ڈی) نے عیدالاضحیٰ پر دہشت گردی کا بڑا منصوبہ ناکام بناتے ہوئے کالعدم تنظیم سے تعلق رکھنے والی خاتون سمیت 9 دہشت گردوں کو گرفتار کر لیا۔
سی ٹی ڈی نے ملتان، بہاولپور اور ڈیرہ غازی خان سے انٹیلی جنس کی بنیاد پر کارروائی کرتے ہوئے کالعدم تنظیم داعش سے تعلق رکھنے والی خاتون سمیت 9 دہشت گردوں کو گرفتار کر لیا۔
گرفتار خاتون مبینہ طور پر دہشت گرد نیٹ ورک کی سرگرم رکن ہے۔ گرفتار ملزمان سے دستی بم، خودکش جیکٹس بنانے کا سامان اور نقدی برآمد کر لی گئی۔
حکام نے دعویٰ کیا کہ گرفتاریاں تین حساس شہروں سے کی گئیں۔
حکام نے بتایا کہ گرفتار دہشت گردوں کی شناخت عدنان، عبدالحلیم، شیراز، بلقیس اور عمر بن خالد کے نام سے ہوئی ہے۔
حکام نے دعویٰ کیا کہ کالعدم تنظیم کا دہشت گرد نیٹ ورک عیدالاضحیٰ پر دہشت گردانہ حملے کی منصوبہ بندی کر رہا تھا۔
ان کا مزید کہنا تھا کہ گرفتار افراد کے خلاف مقدمات درج کر کے تفتیش شروع کر دی گئی ہے۔