پورٹل آجروں، پروموٹرز، جاب ایکسچینج ایجنسیوں، کارکنوں، اور ملازمت کے حصول میں ایک اہم رابطے اور پل کا کردار ادا کرے گا

راولپنڈی (کامرس رپورٹر )راولپنڈی چیمبر آف کامرس نے صوبہ پنجاب میں جاب سنٹر کے قیام کے لیے پنجاب انفارمیشن ٹیکنالوجی بورڈ کے ساتھ ایک مفاہمت کی یادداشت پر دستخط کئے ہیں۔دستخطوں کی تقریب میں صدر آر سی سی آئی ثاقب رفیق، سینئر نائب صدر محمد حمزہ سروش اور نائب صدرفیصل شہزاد اورسینئر پروگرام منیجر شمس الاسلام، پروگرام منیجر سید عمر سعید نے شرکت کی۔صدر ثاقب رفیق نے پی آئی ٹی بی کے اقدام کو سراہتے ہوئے کہا کہ یہ پورٹل آجروں، پروموٹرز، جاب ایکسچینج ایجنسیوں، کارکنوں، اور ملازمت کے حصول میں ایک اہم رابطے اور پل کا کردار ادا کرے گا۔ PITB، لیبر اینڈ ہیومن ریسورس ڈپارٹمنٹ اور حکومت پنجاب کی مشترکہ کوششوں کے تحت صوبہ پنجاب میں جاب سنٹر کو پنجاب بھر میں ڈویژنل اور ضلعی سطحوں پر تعینات کیا جا رہا ہے۔ اس اقدام نے، اگرچہ اپنے ابتدائی مرحلے میں، پہلے ہی 20,000 کارکنوں کو رجسٹر کیا ہے۔