سیکیورٹی فورسز نے ضلع باجوڑ کے عنایت قلعہ میں انٹیلی جنس بیسڈ آپریشن میں تین دہشت گردوں کو ہلاک کر دیا۔
آئی ایس پی آر کے مطابق کارروائی میں دہشت گرد کمانڈر شفیع بھی مارا گیا۔
آپریشن کے دوران سیکورٹی فورسز اور دہشت گردوں کے درمیان شدید فائرنگ کا تبادلہ ہوا۔
مارے گئے دہشت گردوں کے قبضے سے اسلحہ اور گولہ بارود بھی برآمد ہوا، جو سیکیورٹی فورسز کے خلاف دہشت گردی کی کارروائیوں کے ساتھ ساتھ معصوم شہریوں کے قتل میں بھی سرگرم رہے۔
علاقے میں پائے جانے والے دہشت گردوں کو ختم کرنے کے لیے علاقے کی صفائی کی جا رہی ہے۔
علاقے کے مقامی لوگوں نے آپریشن کو سراہا اور دہشت گردی کی لعنت کے خاتمے کے لیے بھرپور تعاون کا اظہار کیا۔