پاکستان کے کپتان بابر اعظم 886 پوائنٹس کے ساتھ آئی سی سی مردوں کی ون ڈے بیٹنگ رینکنگ میں بدستور پہلی پوزیشن پر براجمان ہیں جبکہ راسی وین ڈیر ڈوسن 777 پوائنٹس کے ساتھ دوسرے نمبر پر ہیں۔
جنوبی افریقی بلے باز راسی وین ڈیر ڈوسن 777 پوائنٹس کے ساتھ دوسرے نمبر پر ہیں جبکہ پاکستانی بلے باز فخر زمان اور امام الحق بالترتیب تیسری اور چوتھی پوزیشن برقرار رکھے ہوئے ہیں۔
بھارت کے بلے باز شبمن گل پانچویں، آسٹریلیا کے ڈیوڈ وارنر چھٹے جبکہ آئرلینڈ کے ہیری ٹییکٹر دو قدم اوپر چڑھ کر ساتویں نمبر پر پہنچ گئے ہیں۔
بھارت کے ویرات کوہلی ساتویں سے آٹھویں پوزیشن پر آگئے ہیں اور جنوبی افریقہ کے کوئنٹن ڈی کاک بھی آٹھویں سے نویں نمبر پر آگئے ہیں۔
ہندوستان کے روہت شرما مردوں کی ون ڈے بیٹنگ رینکنگ میں 10ویں پوزیشن پر برقرار رہنے میں کامیاب ہوگئے ہیں۔
ٹاپ 10 بولرز کی رینکنگ میں کوئی تبدیلی نہیں ہوئی۔ آسٹریلیا کے جوش ہیزل ووڈ پہلے، ہندوستان کے محمد سراج دوسرے اور آسٹریلیا کے مچل اسٹارک تیسرے نمبر پر ہیں۔ ٹاپ ٹین بولرز کی فہرست میں شاہین شاہ آفریدی واحد پاکستانی بولر ہیں جو اس وقت آٹھویں نمبر پر ہیں۔